انا مش عارفه ابدأ منين ولا اقول ايه انا لسه مخلصاه حالا !!
نبتدي من القصه اللي مظبوطه قوي ومحبوكه جدا لدرجه انك عمرك ما هتستنتج النهايه لاخر ثواني حرفيا !! وحتي عمرك ما هتستنتج ايه اللي هيحصل الحلقه اللي جايه من كوارث !!! انا استمتعت جدا بالقصه وشدتني لاخر ثواني يعني حقيقي شابو

التمثيل !!! ياربي مفيش حد فيهم مأبدعش حرفيا خصوصا
Lee Dong Wook ايه اللي بيعمله ده !!!! انا حرفيا اقتنعت انه مجنون رسمي من فرط تقمصه للشخصيه !! وسامته كلها راحت اقسم بالله وشكله الطبيعي اتنسي وبقيت حرفيا بخاف منه ومن شكله خصوصا ضحكته بجد ازعجتني جدااااااا ووترتني !!! لمعه عينه والحياه اللي بترد فيها لما يكون بيقتل حد ولا بياخد منه سنانه وهو في قمه وجعه لا لا لا لا مش طبيعي بجد !!! دور عمره وابدع فيه بجدااااااااره والله شابو بجد

Lee Jung Eun الست دي خلتني اخاف من اي ست ممكن تكون موجوده في حياتي او حتي اقابلها صدفه اقسم بالله !!!!! كميه الطيبه اللي بتبقي ع وشها وفجاه النور يطفي خالص ومفيش اي حياه وتقلب شيطان كده وبكميه نشوه غير طبيعيه قتلتني والمصحف !!! شابو ع تمثيلها الخرافي !!

الموسيقي 10\10 في محلها ووترتني جدا في اماكن كتير والله المسلسل مش رعب بس حقيقي خوفني ورعبني جدا !!

صعب اتفرج عليه تاني الحقيقه فيه كميه دماويه غير عاديه وحوار انهم بياكلوا لحم البشر ده كان قالب كياني بس المسلسل يستحق ان الناس تشوفه بجد !!!